నీ చెలిమి చేరే గడియ కోసం ఎదురు చూస్తూ ఉంటాను...

ఎందుకో తెలియదు

నా మనసు నిన్ను మరువనంటోంది...

ఎందుకో తెలియదు

నా మది ఇక ఆగనంటోంది...

ఇన్నాళ్ళూ వేచిన  హృదయం

నీతో చేసిన ప్రతివాదన,

నీతో చేసిన  తొలి సాధన,

నీకై పడిన  మదివేదన,

నీ చెలిమికై చేసిన ఆరాధనల యొక్క పున: నిర్మాణానికై

ఎదురు చూస్తోంది.

ఎన్ని రోజులు గడచినా

ఎంత  ఆలోచించినా అర్ధం కాని విషయం...

నీతో స్నేహం...

నా మది విచారిస్తే,

నీ మాట  ఆ  బాధను తొలగిస్తోంది.

నా మది ఆనందిస్తే

నీ తలపు ఆ  సంతోషాన్ని రెట్టింపు చేస్తోంది...

నీవు నిండిన  నా నీ ఊహల సమాహారం 
నా జీవిత మార్గాన్ని నిర్ణయిస్తోంది...

నా మనసు నిరంతరం

నీవే మూలమని సూచనిస్తోంది.

నిన్ను చేరుకొమ్మని ఆనతిస్తోంది.

కవితలు రాసే నా కలం విరిగి

నీతో సూటిగా మాట్లాడే రోజు కోసం ఎదురు చూస్తోంది...

జీవితాంతం స్నేహమైనా చేయమంటూ హెచ్చరిస్తోంది...

నా మనసు మాట వింటూ

నీ స్థానం నీదేనంటూ

నీ చెలిమి చేరే గడియ  కోసం ఎదురు చూస్తూ ఉంటాను...

-

చిన్నా

క్షణక్షణం నరకంలా కాల్చివేస్తోంది....

ఎన్ని రోజులు గడిచినా, ఎంత ప్రయత్నించినా
నా మనసు నీకై ఇంకా పరితపిస్తోంది...
నీ మదిని వీడలేనంటోంది,
మరులోకం చూడలేనంటొంది.

కనులు మూసిన క్షణం
నీ తలపు సైతం ప్రశ్న వేస్తోంది.
మనసు మారనంటూ
              నిను వీడనంటూ
నీవు లేక ఉండలేనంటొంది.

నా మనసుకి సర్దిచెప్పలేకపోతున్నాను...
దాని తీరును మార్చలేకపోతున్నాను...
నీ తలపును తరమలేకపోతున్నాను...
నా కనులను తుడవలేకపోతున్నాను...

ఇంకెంత కాలం ఇలా అనీ
             మది కుదుటపడే క్షణమేదనీ
ప్రశ్నల వర్షం నన్ను వరదలా మారి ముంచివేస్తోంది...
క్షణక్షణం నరకంలా కాల్చివేస్తోంది....

నా మదిని ఏమార్చిన నీవే 
             నా మనసుపడే వేదన తీరుస్తావనీ
నీ మదురమైన మాటలతో 
             తిరిగి నన్ను మునిపటిలా మారుస్తావనీ
నీ రాక కోసం నా మనసు ఎదురుచూస్తోంది...
నా శ్వాస నీకై నిలిచిపోతోంది.

నీకోసం వేచిన కనులకు కన్నీళ్ళే కరువైతే...

నీకోసం వేచిన కనులకు కన్నీళ్ళే కరువైతే
నా కన్నుల కలవై నువ్వు ఇంకా కవ్విస్తున్నావు...


నాకోసం కాదనీ నీకోసమేననీ
నీతోనే ఉంటాననీ, నీతో నడుస్తాననీ


మాటిచ్చే మౌనంతోనే మరపై పోతున్నానా???


నా గుండెలోని దేవతవై నా జీవితమంతా 
నాకోసం వస్తావనీ, నీ మనసే ఇస్తావనీ
నిత్యం నీకై ఎదురు చూస్తూ...


నీ మాటల మధురిమ కోసం తపియించే నా మది మాత్రం 
నీ తలపే సరి అని అంటూ
                నీ మనసే మారదు అంటూ...
నేనింకా ఒంటరినంటూ
                జీవితమే లేదని అంటూ...


గతమంతా మరిచేస్తూ
                భవిష్యత్తూ లేదంటూ
నిన్న జరిగినది రేపు రాదనీ
                నీ మనసిక వేరొకరిదనీ
నా ప్రాణం విలువ నీవనీ
నీవు లేక అది లేదనీ


చిట్టచివరి కావ్యం నీకోసం రాయమంటూ
నీవు లేని లోకాన్ని వదలమంటూ


నా మనసు నన్ను
తుది శ్వాస నీకై వదలమంటోంది
మరు శ్వాస ఇక వలదు అంటొంది...

నా చేయి ఒంటరిదని...

నీవు నన్ను కాల్చివేసినా
నా మనసు కోటను కూల్చివేసినా
వెలుగునార్పి చీకటి నింపినా
          నిన్ను వెతికే మదిని చిత్తు చేసినా
కాలానికి సైతం సవాలు వేస్తూ
          నీకోసం ఆపుతానంటూ
నీ కదలికతో కదుపుతానంటూ


నా జీవిత సారం నీవని తెలిసి
నే కోరే గమ్యం నీ వలపని తెలిసి
మరలా నీకై, నీ తలపుకై
ఎదురుచూసే నా మనసుని
           ఆగిపొమ్మంటూ...
నీకై కొంతకాలం ఇంకొంతకాలం
           మదిని అణచుకొమ్మంటూ
నీవనే మాటల గారడి
పదే పదే గుర్తుకొస్తుంటే...


నీ చేయి పట్టుకుని
           ఓ సుధీర్ఘ పయనానికి
నడుచుకుంటూ వెళ్ళాలనిపిస్తోంది...
మరు క్షణం నా చేయి ఒంటరిదని జ్ఞప్తికొస్తోంది...


నీ చేతి స్పర్శ లేక నా మనసు 
నిర్వీర్యమైపోయింది...


ఈ ఒంటరి పయనానికి తోడునందిస్తావనీ,
జీవితాంతం నా చేతిని వదలకుంటావనీ,
ఎన్నాళ్ళకెన్నాళ్ళకీ అనే నా ఆవేదన 
            తీరుస్తావని ఆశిస్తూ
నీపై తరగని ప్రేమతో...

-
నీ ప్రేమికుడు  

నీతో తెలిపే ధైర్యం లేదని...

కనులు మూసినా కనులు తెరచినా
కలతవై నువు ఎదురొస్తుంటే...
కనుల ఎదురుగా కనుమరుగయ్యే
మనసు మాట విననంటోంది...
మాటలలోని మధుర భావనే
మూగబాసయై మురిపిస్తుంటే...
మది కోరే తలపు నీవనీ
మనసు నీకై చని వస్తోంది...

జీవితమంతా నీతోనేనని
               నీతో తెలిపే ధైర్యం లేదని...
సమయం సహకిరిస్తే
               నీవు కలవనిస్తే...
నా తలపు తెలిపే తరుణం కోసం 
నీకై నా మది ఎదురుచూస్తోంది...

నిన్ను చూసిన ఆఖరి తరుణం
మదిని వీడి పోను అంటోంది...
నిన్ను వీడిన ఆ తొలి సమయం
మనసును సాంతం ముంచివేస్తోంది...

ఇది కవిత కాదనీ,
                నా మనసు మాటనీ...
ఇది నీ కోసమేననీ,
                నన్ను నీతో కలపాలనీ...
చీకటి తుంచిన చేతులతోనే
జీవితాంతం వెలుగు నింపమని
మురిసిపోయే మనసుతో,
కవ్వించే కులుకులతో,
జీవితమంతా నాతో ఉంటావని
మాటిస్తావని కోరుకుంటూ...

-
నీవై నిండిన మనసు 

నా హ్రుదయ స్పందన నీకని తెలుసు..

నా మనసు నీదని తెలుసు...
నా కలవు నీవని తెలుసు...
నా కలత నీకై చూసే
నా హ్రుదయ స్పందన నీకని తెలుసు...

నిన్ను చేరే ఆశ నాలో
          నిండి ఉన్నా చెప్పలేను...
నీవు నా సర్వస్వమైనా,
          మనసు మాత్రం విప్పలేను...

మనసు మాటలు నోటి వరకూ
నోటి మాటలు పెగలలేవు...
నీవంటే ఇష్టమున్నా
          అది తెలిపే ధైర్యమున్నా
దూరమైతే..! అను భయంతోనో
మనసు మాత్రం కదలలేదు...

నా మనసు తెలిసి కూడా
          బయటపడవెందుకని నేస్తం..?
నా తలపు తెలిసి కూడా
          నీ తలపు తెలుపవె నేస్తం..?
నాకు రాదని గేలియేలా.,
నీవు కూడా తెలుపవచ్చు...

మనసు నీదీ నాది కాదని,
మనది మనది మనసు ఒకటని
నీవు తెలిపే రోజు కోసం 
వేచి ఉన్నా ఓ నా ప్రాణం...

తెలుపలేని మనసుతో
తెరవలేని తలపుతో
-
నీ నేను 

నీ ప్రేమసాగరంలో...

పగటి రేత్రుల కలయిక మన స్నేహం...

నిండు మనసుల అల్లిక మన స్నేహం...

చిగురుటాకుల సవ్వడి మన స్నేహం...
చిలిపి చినుకుల అల్లరి మన స్నేహం...

నీ జతలో విరిసే పువ్వునై...

                నీ మదిలో నే చిరుజల్లునై...
నీ నయనం కోరే స్వప్నమై...
                నీ పయనం చేరే గమ్యమై...
కలల లోకం కావ్యమైతే,
కనులు అడిగే కవితనై...

మనసు నాకే సొంతమంటూ...
                నీవు ఇక నా దానివంటూ...
చిన్ని పలుకులు చెరుపుకుంటూ
                మనసు మాత్రం మరువనంటూ...
కోటి అలలతొ పొంగిపోతూ
దరిన మాత్రం ఆగనంటూ...

నీ ప్రేమసాగరంలో
మునిగి తేలుకుంటూ...
మరణమైనా, శరణమైనా...
నాకు సర్వం నీవు అంటూ
నా మనసు నీకై పరితపిస్తోంది...

నా ఈ భావన
               తెలుసుకుంటావని,
నా మదికి బదులు అందిస్తావని కోరుకుంటూ

-
నీ ప్రేమికుడు 

నన్ను నిన్నని మరువమంటూ...

నీ మనసును తెలిపిన క్షణం 

                కన్నీరు కరువైంది...

నా కనులను తెరచిన క్షణం 

                నీ స్వప్నం మరుగైంది...

కొంటె చూపుల కాంతి పడగానే

కదిలే కాలం ఆగిపోయింది...

మనసు మాటల పిలుపు వినగానే

చూసే నయనం చిన్నబోయింది...

కనుల ఎదుట కదలమంటూ,

రేపటి సమయం తనతో గడపమంటూ...

చీకటి వెలుగుల కలతను తీర్చమంటూ,

కాలాన్ని కంటి చూపుతో కట్టివేయమంటూ...

లేని ఆశల ఊసు చూపి

                మరువలేని ఊహ రేపి 

మనసు మారిన చివరి క్షణం 

ప్రేమనేదే లేదు అంటూ

నన్ను నిన్నని మరువమంటూ...

మధురమైన మాటలతో

                చిన్ని చిలిపి కులుకులతో,

జీవితాన్నే కుదిపివేసే సూటిపోటి మాటలతో,

మనసు మారిందని

                ప్రేమ కరువైందని...

మది చూపిన మార్గం మార్పుకోరిందని

యదలో నీ రూపం తీర్పు అడిగిందని

నన్ను వీడిపోకు ప్రియతమా...
నన్నొంటరి చేయబోకుమా...

నిన్ను చూసి ఆగాలనే నా శ్వాస...

కదిలిపోయే కాలం నాకై ఆగనంటోంది

కరిగిపోయే కలవు నువ్వని కొట్టివేస్తోంది

నా హ్రుదయ స్పందన నువ్వు

             నా కలల కానుక నువ్వు

నా ఊహల అల్లిక నువ్వు

             నా ఊపిరి ఆశ నీ నవ్వు

నా నిరంతర యోచన 

             నీ దరి చేరాలనే వేదన

నా అలుపు లేని ఈ సాధన

             నీతో తోడుకై ఆరాధన

కనులు రాసే కావ్యమేదో కాదు అంటోంది...

మనసు వేసే మెలిక మాత్రం రాను అంటోంది...

నా కనుల ఎదుట నాట్యమాడే 
ఈ చీకటి అంచులు 
నీ తలపుల వెలుగును తుంచివేస్తున్నాయి...
నాకు సమయం లేదు...
నీ తోడు లేదు...
నీకు నాపై కరుణ లేదు...
నన్ను చేరే తరుణం రాదు...
నా చివరి క్షణాల చివరి ఆశ
నిన్ను చూసి ఆగాలనే నా శ్వాస...
ఈ నిమిషమైనా నన్ను చేరుతావని 
నీకోసం ఎదురు చూస్తూ


-
నీ ప్రేమికుడు

కన్నీళ్ళే మిగిలాయి...

నిన్ను కలవక రోజులు గడిచాయి,

మనసు తెలుపక మాటలు మరిచాయి.

కనుల తడిలో తడవమంటూ, 

ఎగసి ఒడిలో ఇమడమంటూ...

జీవితాంతం తోడు అంటూ,

ఈ క్షణాన్నే వీడనంటూ...
యద పలికే చిరు పలుకులు తరిగాయి...

మౌన రాగం నీదనీ,

                  దూరమైతే కాననీ,

కరుణ కోరే చివరి సమయం, 

                  స్వప్నలోకం నీవనీ,

ముద్దుమాటలు మభ్యపెట్టే,

                  మధుర గానం నీదనీ,

కలను సైతం కాల్చివేస్తూ

ఇలను సైతం కూల్చివేస్తూ

మేము మాత్రం నిత్యమంటూ

నీ గురుతులు మిగిలాయి...

యదలోతుల నిదురించే

                  ఆ రూపం నీవనీ,

నీ పలుకుకు పులకించే

                  నా హ్రుదయం నీదనీ,

మది సైతం మరిపించే

                  నా అలజడి నీవనీ,

నా మనసును మురిపించే

                 చిరు సవ్వడి నీదనీ,

నీ స్వప్నం చూపిస్తూ

నిత్యం ఉంటామంటూ...

నా కనులను వీడకుండ

కన్నీళ్ళే మిగిలాయి...

నా ప్రేమకు వరమిచ్చే దేవత...

మనసును మెప్పించే మౌనం నీ ప్రేమ,

కలలను రప్పించే కావ్యం నీ ప్రేమ... 

మది కోరిన తరుణంలో వరుణం నీ ప్రేమ,

ఎదలోతుల మురిపించే మక్కువ నీ ప్రేమ... 

అల్లరి ఆనందపు గెంతులతో,

                  చల్లని చిరుజల్లుల చిందులతో

కలలెరుగని కన్నులతో,

                  కలమెరుగని రాతలతో

మలుపెరుగని మార్గములో,

                  అలుపెరుగని ఆత్రముతో

నీ కనుచూపుల కరు్ణకై, తొలి చూపుల స్పర్శకై

నా మనసు నీకై ఎదురు చూస్తోంది...

నీ ప్రేమలో కాలం కమ్మగా కరిగిపోతోంది 

నయనం కలలకై కలవరిస్తోంది 

నా ఎదపై వాలే చిరు చినుకు నీ ప్రేమ...
నా మనసంతా పులకించే మల్లెలు నీ ప్రేమ...

నా కోసం తపియించే కోరిక నీ ప్రేమ...
నా ప్రేమకు వరమిచ్చే దేవత నీ ప్రేమ...

నా రాగం నీవు, అనురాగం నీవు...

నా స్నేహం నీవు,

                  నా కోసం నీవు...

నా బంధం, అనుబంధం, మకరందం నీవు 

నా ఆవేదన తరిగించే ఆనందం నీవు 

 నాతోనే నిత్యం ఉండే నా సర్వం నీవు,

సర్వస్వం నీవు...

నీ స్వప్నాల రంగుల లోకం...

నీ కనుపాపల చిరు సవ్వడి నా నేస్తం..,

నీ చిరునవ్వుల మరుమల్లెలు నా కోసం.., 

ప్రశ్నలతో పరిక్ష పెట్టే ఆ ముఖారవిందం 

తానే జవాబై తికమక పెడుతోంది, 

మరిపించి మురిపించే ఆ వర్ఛస్సు 

తన మరపు కాదంటూ మభ్యపెడుతోంది...

ఆ వెన్నెల కోవెలవై,

                 మరుమల్లెల మాలికవై...

మురిపించే మాటలతో

                 చిరునవ్వుల చిందులతో...

కనుపాపల అలవోపగ కనిపించే దేవతవై

నాకోసం వస్తావని,

                 నన్నే కరుణిస్తావని

ఈ తొలకరి చిరుజల్లుల కనువిందుల తీరికలో 

నా కోరిక తీరుస్తావని,

                 నా ఆశలు ఆవిరి చేస్తావని... 

నాకు సర్దిచెప్పే నీ మనసు...

తొలి చూపుల మన ప్రణయం 

మెలకువ లో మొదలై

                 కలల్లో కొనసాగుతోంది...
నీ స్వప్నాల రంగుల లోకం

నను వాస్తవానికి దూరంగా

నిజానిజాల భేదాలను తెలిపే సన్నని రేఖపై

అల్లరి ఆనందపు అలలతో ముంచివేస్తోంది... 

మన కలయికలో యుగాలు క్షణాలై

మరుదూరాలలో క్షణాలు యుగాలై

నువ్వు నేను కలిసి చూసిన ఆనందపు అంచులు 

ఆజన్మాంతం ఉండాలంటున్నాయి... 

నీ నా దూరాలను తుంచాలంటున్నాయి... 

కలలోనైనా ఇల అంచులు దాటకంటున్నాయి... 

మురిపించే మరిపించే మనసులను 

                       కలిసిపొమ్మంటున్నాయి...

నిన్ను చేరాలనే కోరికతో...

 

నా ఆలోచన సాగే ఓ సుధీర్ఘ మార్గంలో...

నీ తలపుల సమూహాలు 

                  ఆ ఆలోచన నీదేనంటూ, 

నీవైపు సాగమంటూ దిశ నిర్ధేశణ చెస్తున్నాయి...

నీ కొంటెచూపులు,
ముళ్ళ బాటను సైతం పూలబాటగా మార్చి
సాగిపొమ్మని ప్రోత్సహిస్తున్నాయి... 

అలుపెరుగని ఈ ప్రయాణం
                  నీ ఊహలతో, నీకై ఆశలతో

నిన్ను చేరాలనే కోరికతో ఉన్నా
ఏదో తెలియని వేదన వెంటాడుతోంది...

కదిలే కాలం, కరగని దూరం 

ఈ ప్రయాణ గమ్యాన్ని ప్రశ్నించమంటూ
ఆ గమ్యానికి చేరేదెపుడంటూ
నీ ఆలోచన ఎందుకంటూ నిలదీస్తున్నాయి...

నీకై చేసే ఈ పయనం

నిన్ను చూసి తీరాలనే నా నయనం 

                   నా మనసు వీడని నీ వదనం

నీ కరుణకై సాగుతున్న ఈ కదనం
                   నేను నీ కోసమే ఉన్నాననీ,

నువ్వు నాతోనే ఉంటావనీ గుర్తుచేస్తున్నాయి...

నా ఈ వేదన తరిగిస్తావనీ,

కదిలే కాలానికి అనుగుణంగా

దూరాన్ని కరిగిస్తావనీ...

-

ప్రేమకై పయనించే మనసు

నిన్ను చేరే చివరి క్షణంలో చీకటి నింపావు...

నా ఆశల సంగమం నీవు
            నా ఊహల రూపం నీవు... 

నా కోరిక తీరిక నువ్వు 

            నా చేరిక గమ్యం నువ్వు...

నీవు లేక అంధకారంలో్ ఉన్న నాకు 

నీ కన్నుల కాంతులతో దారి చూపావు...

నిన్ను చేరే చివరి క్షణంలో
కనుమరుగై చీకటి నింపావు...

నిత్యం నీకై ఎదురుచూసే నా మది 

సత్యం తెలుసుకోక దారి తప్పుతున్నది

నీవే సర్వం అని నమ్మిన మనసు
నీవు లేవని తెలిసి మూగబోతోంది 

తనకిక లో్కంతో పనేమిటంటూ ముగిసిపోతోంది...

గమ్యం చేరక మార్గమద్యంలోనే మారిపోతోంది...
బతుకు దండగంటూ,

              మరణమే శరణమంటూ
క్షణక్షణం కాలగర్భంలో కలుస్తానంటూ...
నిరంతరం నీకై రోధిస్తూ ఉంది...

ఈ వేదన ఆగేదెపుడు ?

నా రోదన ముగిసేదెపుడు ?

నీ చేరిక కలిసేదెపుదు ?

నా కోరిక తీరేదెపుడు ?

నీ జాబు అందిస్తావని, నా కోరిక తీరుస్తావని 

నా శ్వాశ నిలుపుతావని, నన్ను బ్రతికిస్తావని 

నీవై నిండి ఉన్న మనసుతో

-

నీ ప్రేమికుడు 

నా మనసు తెలిపే ఆఖరి సత్యం...

నీవే లోకమైన నాకు, ఏదో తెలియని ఆందోళన...
అది నీ చేరిక లేదనే ఊహల సమ్మేళన...
కనులు మూసిన క్షణం 

కలవై ఎదురు నిలిచి
మెలకువ మొదలయ్యే క్షణం

కన్నీరై కరిగిపోతున్నావు...

నా ఆరాటాల కలయిక 

              నా ఆనందాల మూలిక...
నను వేదించే వేడుక
              నను కవ్వించే కానుక...
అది నీవు నా దరిచేరుతావనే కోరిక 

నా కలం రాసే చివరి రాత
              నా శ్రుతిలయల చివరి పాట...
నా కనులు చూసే ఆఖరి రూపం 

              నా మనసు తెలిపే ఆఖరి సత్యం...
అది శాశ్వతంగా నీవు లేని లోకాన్ని విడిచే క్షణం

ఏళ్ళు గడచినా ఏమారని నా మనసు...
మరపు వచ్చినా మురిపించే మనసు...
కనులు మూసినా, కలత వచ్చినా
ఆ ఆవేదన ఆగదనీ...
నీవు లేక సాగదనీ...
నా చివరి శ్వాశ సైతం నీకేననీ...

-
నీవు విడచిన మనసు

నీ నవ్వుల చిరుజల్లు...

నాలోని చిరు సవ్వడి నీ కోసం 

నాలోని మది సందడి నీ కోసం 

నీ నవ్వుల చిరుజల్లు 

                   నా మనసుని తాకిన క్షణం

ఒక కొత్త లో్కంలోకి వెళ్ళిన నా మనసు

నీవు లేని లోకానికి రానంటున్నది...

క్షణకాలం లో మనసు దోచి
                  మరుక్షణం మాయమై...
జన్మ నీతోనే అని మాటనిచ్చి 

                  అందని దూరాలకు చేరువై...

నీవు ఒంటరి చేసిన నా మనసు
తానొంటరి కాదంటూ...
నీ  జ్ఞాపకాలే తన తో్డంటూ...
నీవు విడచిన లో్కంలో
అలుపెరుగని ఆలోచనలతో,
ఊపిరి అడగని ఊహలతో,
నిరంతరం నీపై ఆశతో 

                   ఎదురుచూస్తున్నది...

నీ చేరిక నా జీవిత గమ్యం...
                   నా కోరిక నీతో బంధం...
మోడై మిగిలిన నా జీవితంలో

చిరుజల్లులు కురిపిస్తావని,
మరుమల్లెలు పూయిస్తావని,
నీకై నీ రాకకై ఎదురుచూస్తూ...

-
ఓ మనసు

ఆశ తీరని ఆవేదన...

నీవు  చూపిన లోకం,

             చేరుకునే సమయం...

కనుపాపల మెలకువలో
             తొలి అడుగు తరుణం...

మాయమైన మనసు చెసే మౌనరాగంలో 

మురిపించే చెలి పలుకులు

నీ మరపును మరిపించే స్వప్నలోకములో

అలుపెరుగని ఆహ్లాదాలు

కష్తమైనా..!నష్టమైనా..!
నీతో నడిచే ప్రతి అడుగూ...

నీకై తలచే ప్రతి తలపూ...

ప్రతినిత్యం నాకిష్టం...

నీ చూపుల సరిగమల్లో
ఆశ తీరని ఆవేదన...
అది నాకై చేసే 

            తపసుకై ఎదురుచూపు...

నిన్ను చేరే 

            తరుణానికై కలవరింపు...

యదలో ఒక మంట రగిలింది...

మోడై మిగిలిన నా మనసు

నీ మాట వినగానే చిగురించింది...

తొలకరి కను చూపులు పడగానే

నా తనువంతా పులకరించింది...

నీనుంచి నేను కోరేది...

నేను నీకై అందిస్తున్నది...

స్వప్న లోకం నిన్ను మరిపిస్తుంటే 

వాస్తవం నీ మరపును మరిపిస్తోంది...

నాకై వచ్చిన దానివని...

నాతో ఉండే రాణివని...

నీ మనసే నాది అని...

నా శ్వాసే నీకు అని...

మనసులో ముసలం మొదలైంది...

యదలో ఒక మంట రగిలింది...

అపోహల ఆలోచనలు

నన్ను పిచ్చివాడిని చేసాయి...

నిజాల నిర్మోహమాటాలు 

నిత్య వేదనకు గురి చేసాయి...

నిను వీడి పోను...

నా అడుగు కోరే తీరం నీవు...
నా దప్పిక తీర్చే తీర్ధం నీవు...
నా నోట పలికే మాట నీవు...
నన్ను బ్రతికించే శ్వాస నీవు..


నడక సాగించే పాదం
             నీవైపే మరలుతోంది...
మాటలాడని మౌనం
             నీకై గోల చేస్తోంది...


నిరంతర తపసు 
             నీకై వేచి చూస్తోంది...
నీ వరం పొందని మనసు 
             నన్ను తుంచివేస్తోంది...


నీకై ఎదురుచూసే నా నయనం
చేస్తోంది కడవరకు సాగే పయనం
నీ నా కలయిక 
ఓ పగటి కలలా మిగిలిపోతోంది...
నిదుర రాక నిత్యం నీకై కదిలిపోతోంది...


గమ్యం లేని నా జీవితానికి 
దారి చూపి నా లక్ష్యంగా నిలిచావు...
ఇక వెనుతిరగలేను 
నిను వీడి పోను...

ఎన్నడూ స్వప్నం కాను...

నా పలుకుల చాటున దాగిన నిజం
నీవని తెలిపే నా చిరు చెమటల అల్లరి...
ఏదో మర్చిపోయానంటూ మాటిమాటికి
నా మనసుని ముందుకులాగే 
                       నీ మాటల గిల్లరి...


అనుక్షణం తడబడే మాటలు...
ప్రతిక్షణం మూతబడే కనులు...
సందర్భం కోసం చూసే చూపులు...
సరైన సమయానికై కాపులు...


నే ఎదురుచూసే రూపం నీది...
నన్ను బంధించే కనుచూపు నీది...
నా మాటల ప్రతిమాట నీది...
నా మనసు పలికే ప్రతి పలుకు నీది...


నీకై బ్రతికే నేను..
ఎన్నడూ స్వప్నం కాను...
వేయి కన్నులతో వేయి జన్మలైనా  
ఎదురు చూస్తూనే ఉంటానని 
మాట ఇస్తూ...


-
--నీకై ఎదురు చూసే మది--

ఆ సంతోషాన్ని కరిగించకు...

నీ సొంతమైన నా మనసు
నీ రాకకై ఎదురు చూస్తోంది...
నీ కాంతి పడని నా మోము
చీకటితో పోరాడుతోంది...


నీ నవ్వు వికసించిన క్షణం
నా మనసు పులకించింది...
నిన్ను తాకిన గాలి తగిలి
అది శ్రుతి తప్పింది...


రంగుల కలలాంటి నా జీవితం
చిమ్మచీకటిలో మెలకువ తెప్పిస్తోంది...
నీవు లేని లోకం అదేనంటూ 
                     నిద్రను తప్పిస్తోంది...


ఒడుదుడుకులతో నిండిన జీవితం 
నిన్ను చూసాక సాఫీగా సాగుతోంది...
ఆ సంతోషాన్ని కరిగించకు...
నన్ను మళ్లీ 
ఆ ముళ్ళ బాటలో తోయకు...

నా దుఃఖాన్ని తుడిచే చేయి...

నేను కోరేది నీ తోడ్పాటు...

తగ్గించు ఈ ఎడబాటు...

మన్నించు నా పొరపాటు...

కడవరకు సాగు నాతోపాటు...

నా దుఃఖాన్ని తుడిచే చేయి

                        నీదవ్వాలని నా కోరిక...

నే సాగే మార్గంలో నీవు 

                        నా నీడవ్వాలని నా ఆశిక...

నా కన్నీటి సాగరం నన్ను ముంచేలోగా

ఒడ్డున చేరుస్తావని ఎదురు చూస్తున్నా...

నా జీవిత గమ్యం నీవని చూపే

కల కోసం కన్ను మూస్తున్నా...

నీవు నన్ను చేరిన క్షణం

నన్ను నేను మరచాను...

ఇక నిన్ను మరువలేను...

నిన్ను వీడి బ్రతుకలేను...

నీవు లేక నేను

పచ్చటి చిగురుటాకులు లేని మోడైపోతున్నా...

ప్రవాహం లేని నదిలా కుమిలిపోతున్నా...

నా జీవితంలో పచ్చదనం నింపి

నాలో ఒక ప్రవాహాన్ని పుట్టించే తోడు

నీవని వేచి చూస్తున్నా...

వేయి కన్నులతో ఎదురు చూస్తున్నా...

ఎందుకు మారిపోయావు...?

గుండెల్లో ఎన్నెన్నో ఆశలు...
కళ్ళలో మాసిపోని బాసలు...
నిన్ను తలచే ఉచ్వాస నిశ్వాసలు...
నిన్ను చూపే నా ఊహలు...


నా అలుపెరుగని ప్రయాణం
                        నీ మది కోసమే పయనం...
నిన్ను చూసి సిగ్గుపడే నయనం
                        దరిచేరగానే చిన్నబోతోంది పాపం...


నీ లోకంలో నేనున్నాను...
కానీ నాకు నువ్వే లోకం...


నీకై సాగే నడక తడబాటు లో...
నీకై నే చేసే పొరపాటుల్లో...
నీ తొలకరి నవ్వు
సాగిపోమ్మంటూ ముందుకు తోస్తోంది...


నా ప్రేమ తెలిపిన క్షణంలో
నేను చూసిన నీవు
ఎందుకు మారిపోయావు...?
నన్నెందుకు మారమన్నావు...?
నిన్నెందుకు మర్చిపోమ్మన్నావు...?

ఎదురు చూసే కనుచూపులో...

ఎదురు చూసే కనుచూపులో 
                   లోకం చిన్నదై పోతోంది...
మనసు పలికే మాటలలో
                   కష్టం అంటూ క్రుంగిపోతోంది...


నీ మదే నా యదే కోరిన క్షణమే...
నా మదే నీ చూపుకై ఎదురు చూసే...
స్వప్నం చూపిన లోకం 
                    నిన్ను వీడమంటోంది ...
మనసు చంపుకొని 
                    నిన్ను మరువమంటోంది ...


ప్రాణం నీకై మిగిలి ఉన్నా...
మనసు మాత్రం మరణిస్తూంది...
ఎన్ని రోజులైనా ఎంత కాలమైన
మరిగే మనసు నిన్నే కోరుతూ ఉంది...


నే కను మూసే క్షణం 
నే చివరగా పలికే పదం
నీ నామధేయం...
అది నే చేసే చివరి పుణ్య కార్యం...

కనుమరుగయ్యే నా మనసు...

నిన్ను తలచే ప్రతిసారి ఏదో తెలియని చింత...

ఇక నిన్ను అసలు పొందలేనేమో అని జీవితమంతా ...

గడిచే నిమిషాల నడుమ

                   నీ తలపు నలిగిపోతోంది...

దానికైనా అర్హత లేదంటూ

                   నన్ను విడిచి వెళ్ళిపోతోంది...

కనుమరుగయ్యే నా మనసు

నీ తొలకరి నవ్వుకై 

                   ఎదురు చూస్తోంది...

హద్దులు చెరిపే నీ మనసు

అదే హద్దు దాటకంటూ ఆనతిస్తోంది...

కనులు వెతికే కలల మార్గం

నిజం కాదని తెలిసినా...

నిజానిజాల ప్రశ్న ఎత్తక 

కలల ప్రపంచాన్ని ఆహ్వానిస్తున్నాను...

ఈ బాధ నుండి విముక్తి కల్గిస్తావని ఆశిస్తూ

--నీకై నా ప్రేమ--

తోడు లేని నా మనసు...

నీవు నా జీవితంలో లేకపోయినా...
నా మనసు నీకే అంకితం...
నా ప్రేమయొక్క ఏకైక లక్ష్యం నీ సంతోషం...


నీవు నన్ను చేరవని తెలుసు...
నీవు లేక నా మనసు ఉండలేదనీ తెలుసు...
ప్రతి క్షణం నీకై ఆలోచిస్తూ 
నిన్ను చూసిన క్షణం 
             నా మనసు మూగబోతోంది...
మాట్లాడలేనంటూ బెట్టు చేస్తోంది...


తోడు లేని నా మనసు
            ఒంటరై ఒరిగిపోతోంది...
నీవు లేని చోట 
            ఉండలేనంటూ కరిగిపోతోంది...


నా ఈ జీవితం నీ సంతోషానికే అంకితం...
నీకై పరితపించే మనసు
                         నిన్ను వీడనంటోంది... 
ప్రతిక్షణం నీ తోడు కోరుతోంది...
మరుక్షణం నీవు లేని చోట ఉండనంటోంది ...


నా ఈ దుఃఖం నీ జీవితానికి అడ్డు కాకూడదు...
అందుకే 

నీకు నా బాధ అంటనంత 
                        దూరాలకు వెళ్ళిపోతున్నాను...
సుధీర్గ లోకాలకు సాగిపోతున్నాను...  


--ఇట్లు నీకై నా ప్రేమ---