నీకోసం వేచిన కనులకు కన్నీళ్ళే కరువైతే
నా కన్నుల కలవై నువ్వు ఇంకా కవ్విస్తున్నావు...
నాకోసం కాదనీ నీకోసమేననీ
నీతోనే ఉంటాననీ, నీతో నడుస్తాననీ
మాటిచ్చే మౌనంతోనే మరపై పోతున్నానా???
నా గుండెలోని దేవతవై నా జీవితమంతా
నాకోసం వస్తావనీ, నీ మనసే ఇస్తావనీ
నిత్యం నీకై ఎదురు చూస్తూ...
నీ మాటల మధురిమ కోసం తపియించే నా మది మాత్రం
నీ తలపే సరి అని అంటూ
నీ మనసే మారదు అంటూ...
నేనింకా ఒంటరినంటూ
జీవితమే లేదని అంటూ...
గతమంతా మరిచేస్తూ
భవిష్యత్తూ లేదంటూ
నిన్న జరిగినది రేపు రాదనీ
నీ మనసిక వేరొకరిదనీ
నా ప్రాణం విలువ నీవనీ
నీవు లేక అది లేదనీ
చిట్టచివరి కావ్యం నీకోసం రాయమంటూ
నీవు లేని లోకాన్ని వదలమంటూ
నా మనసు నన్ను
తుది శ్వాస నీకై వదలమంటోంది
మరు శ్వాస ఇక వలదు అంటొంది...
No comments:
Post a Comment